14.6.2010

Borað fyrir jarðskautum fyrir 5-víra rafkerfið

Borun er lokið fyrir sjö jarðskautum í Urriðaholti til að tryggja sem bestar jarðtengingar fyrir 5-víra dreifikerfi rafmagns í hverfinu. Borað hefur verið niður á allt að 80 metra dýpi til að ná sem bestum árangri.

Brynjólfur Snorrason hjá Orkulausnum hefur umsjón með verkefninu í samstarfi við Hitaveitu Suðurnesja. Brynjólfur hefur í gegnum tíðina verið mikill baráttumaður fyrir því að draga úr svokallaðri rafmengun, sem skapast oftast vegna lélegra jarðtenginga og ónógrar spennujöfnunar.

Það er jarðborunarfyrirtæki Árna Kópssonar sem hefur séð um að bora fyrir jarðskautunum. Brynjólfur hefur verið viðstaddur allar boranir, til að mæla árangurinn og taka ákvarðanir um framvinduna.

13.4.2010

Fyrstu íbúarnir fluttir í Urriðaholtið

Fjölskylda Hafsteins Guðmundssonar og Steinunnar Bergmann er sú fyrsta sem flytur í Urriðaholtið, nánar tiltekið í einbýlishúsið að Keldugötu 7. Af því tilefni kom Jón Pálmi Guðmundsson framkvæmdastjóri Urriðaholts ehf. í heimsókn og færði fjölskyldunni glaðning um leið og hann óskaði þeim til hamingju með að vera fyrst til að flytja í þetta nýjasta hverfi Garðabæjar.

24.2.2010

Gæði raforku í Urriðaholti tryggð með 5-víra kerfi

Hitaveita Suðurnesja og fyrirtækið Orkulausnir hafa undanfarin misseri unnið að því að tryggja það sem kalla má gæði raforkudreifingar í Urriðaholti. Aðgerðirnar draga úr líkum á svokallaðri rafmengun, sem getur valdið ýmsum vandkvæðum fyrir fólk og dýr, jafnt sem ótímabæru sliti og bilunum í raftækjum.

2.11.2009

Byrjað að reisa hús Náttúrufræðistofnunar Íslands

Nýtt hús Náttúrurfræðistofnunar Íslands er byrjað að rísa í Urriðaholti. Áformað er að byggingu þess verði lokið í október 2010 og þá geti Náttúrufræðistofnun flutt starfsemi sína í Garðabæinn. Uppsteypa sökkla er langt komin og góður gangur á framkvæmdum hjá Ístaki, sem er verktaki hússins. Vegna hrunsins hefur ríkt óvissa um hvort eitthvað yrði af byggingu hússins. Upphaflega var áformað það yrði tilbúið haustið 2009, en óvissa hjá fjármálastofnunum setti allar áætlanir úr skorðum.

29.9.2009

Fyrstu húsin komin í sölu

Sala er hafin á fyrstu húsunum í Urriðaholti. Um er að ræða parhús við Kinnargötu 2-5. Hvor íbúð er 208 fermetrar á tveimur hæðum og er gengið inn að neðanverðu. Bílskúr er innbyggður og er lofthæð hans óvenju mikil, eða 3,6 metrar. Ótalið í fermetrafjöldanum er 18 fermetra lokað rými inn af bílskúrnum, sem má nota sem geymslu.

28.9.2009

Nýr bæklingur um Urriðaholt og nágrenni

Nágrenni og náttúru Urriðaholts eru gerð ítarleg skil í nýjum bæklingi sem gefinn hefur verið út af Urriðaholti ehf. Í bæklingnum er kort af áhugaverðum stöðum í nágrenninu, svo og kort af Búrfellshrauni.

8.5.2009

Samið um uppbyggingu á “5-víra” rafkerfi í Urriðaholti

Fulltrúar Garðabæjar, Urriðaholts og Hitaveitu Suðurnesja undirrituðu í gær samkomulag um að svokallað “5-víra” rafkerfi verði lagt í vesturhluta Urriðaholts. Um er að ræða tilrauna- og þróunarverkefni sem Urriðaholt ehf. styrkir fjárhagslega, en Hitaveita Suðurnesja annast framkvæmdir.

4.9.2008

Kynning á teikningum skólabygginga í Urriðaholti

Við boðum þá sem tóku þátt í hugmyndavinnu vegna hönnunar skóla- og íþróttamannvirkja á Urriðaholti, skólastjórnendur í Garðabæ og aðra áhugasama til kynningar á teikningum Arkitema arkitektarstofnunnar á leik- og grunnskóla ásamt íþróttamannvirkjum á Urriðaholti.

7.8.2008

Fyrsta húsið að rísa í Urriðaholti

Fyrsta húsið rís nú í Urriðaholti, nánar tiltekið við Kinnargötu. Húsbyggjandinn er Hallfreður Emilsson verktaki hjá Stekkjarhúsum. Fyrsta skóflustungan var tekin um miðjan júlí. Byrjað verður að byggja fleiri hús í Urriðaholti innan tíðar og er Hallfreður með nokkur þeirra á sínum snærum.

2.7.2008

Skóflustunga tekin að húsi Náttúrufræðistofnunar

Þórunn Sveinbjarnardóttir umhverfisráðherra hefur tekið fyrstu skóflustunguna að nýju húsi Náttúrufræðistofnunar Íslands í Urriðaholti í Garðabæ. Hús Náttúrufræðistofnunar verður 3.500 fermetrar að stærð og mun standa við Jónasartorg, vestast á Urriðaholti.

20.6.2008

Grund reisir hjúkrunarheimili í Urriðaholti

Stórsír Oddfellow reglunnar, Gylfi Gunnarsson, og Júlíus Rafnsson, framkvæmdastjóri Grundar, undirrituðu í gærkvöldi samkomulag um að Grund fengi að byggja hjúkrunarheimili í Urriðaholti. Ætlunin er að heimilið verði allt að 7.500 fermetrar og rúmi hundrað vistmenn.

16.5.2008

Táknatréð sprettur upp

Listaverkið Táknatréð verður reist efst í Urriðaholti í þessari viku. Táknatréð er fyrsta mannvirkið sem rís í Urriðaholti, en það er samstarfsverkefni Gabríelu Friðriksdóttur og frönsku hönnuðanna/listamannanna Mathias Augustyniak og Michael Amzalag, einu nafni M/M. Táknatréð er úr bronsi og verður rúmir fimm metrar á hæð. Tréð segir Gabríela að megi kalla minnisvarða um möguleikana, innblásið af gjafmildi góðs samstarfs ólíkra aðila og endurspegli þannig undirstöðu þeirrar byggðar sem rísa eigi í Urriðah

29.4.2008

Náttúrufræðistofnun í Urriðaholti

Rætt við Jón Gunnar Ottósson forstjóra Náttúrufræðistofnunar og Guðmund Guðmundsson forstöðumann Safna- og flokkunarfræðideildar stofnunarinnar. Náttúrufræðistofnun Íslands flytur í ný húsakynni í Urriðaholti haustið 2009.

11.4.2008

Styttist í skóflustungu Náttúrufræðihúss

Hönnun á nýju húsi Náttúrufræðistofnunar Íslands í Urriðaholti er á lokastigi hjá Arkís arkitektum. Urriðaholt ehf. reisir húsið og leigir það til stofnunarinnar. Náttúrufræðistofnun tekur nýja húsið í notkun haustið 2009.

31.3.2008

Auglýsing um kynningu aðalskipulagsbreytingar í Garðabæ

Bæjarstjórn Garðabæjar auglýsir hér með kynningu á eftirfarandi tillögu að óverulegri breytingu á Aðalskipulagi Garðabæjar 2004-2016, samkvæmt 2. mgr. 21. gr. skipulags- og byggingarlaga nr. 73/1997 m.s.br.

31.3.2008

Auglýsing um kynningu deiliskipulagtilögu í Garðabæ

Bæjarstjórn Garðabæjar auglýsir hér með kynningu á tillögu að deiliskipulagi Urriðaholtsstrætis, (viðskiptastrætis), 1.áfanga skv 25. gr. skipulags- og byggingarlaga nr. 73/1997 m.s.br. Urriðaholtsstræti, 1.áfangi. Urriðaholtsstræti er aðalaðkomugata fyrir byggð í Urriðaholti og er útfært og hannað sem breiðstræti.

25.3.2008

Náttúrufræðihús á Jónasartorgi

Gengið hefur verið frá samkomulagi um að Náttúrufræðistofnun Íslands verði í nýju 3.500 fermetra húsi við aðkomuna, vestast í Urriðaholti. Þar með lýkur hálfrar aldrar bið náttúrufræðistofnunar eftir varanlegum heimkynnum.

19.3.2008

LivCom á Íslandi

Skipulag Urriðaholts í Garðabæ var fyrsta íslenska verkefnið sem tók þátt í Livcom og hlaut það silfurverðlaun í sínum flokki í desember síðastliðnum. Alan Smith var hér á landi til að kynna áherslur samtakanna

18.3.2008

Góður gangur í gatnagerðinni

Vel hefur gengið við gatnagerð í Urriðaholti í vetur, að sögn Ágústs Jakobs Ólafssonar, verkstjóra hjá verktakafyrirtækinu Háfelli. Gatnaframkvæmdirnar hófust í september í fyrra og er áformað að þeim ljúki næsta haust.

7.3.2008

Urriðaholt í undanúrslit hjá UDG

Skipulagssamtökin Urban Design Group hafa valið Urriðaholt í undanúrslit í nýrri verðlaunasamkeppni. Átta skipulagsverkefni urðu fyrir valinu og hafa þau verið kynnt undanfarin misseri í tímaritinu Urban Design, sem er gefið út í Bretlandi.

28.2.2008

Fundur um uppbyggingu skóla í Urriðaholti

14.2.2008

Aukið jarðsamband í Urriðaholti

28.11.2007

Urriðaholt fær verðlaun á LivCom

19.11.2007

Sala umfram væntingar

31.10.2007

Umhverfisstefna samþykkt fyrir skólana

31.10.2007

ÍAV keyptu heila götu

31.10.2007

Opin hugmyndavinna um skólastarfið

31.8.2007

Urriðaholt í lokaúrslit LivCom

15.5.2007

Skipulagið verðlaunað

15.5.2007

Sala lóða hefst