31.3.2008

Auglýsing um kynningu aðalskipulagsbreytingar í Garðabæ

Bæjarstjórn Garðabæjar auglýsir hér með kynningu á eftirfarandi tillögu að óverulegri breytingu á Aðalskipulagi Garðabæjar 2004-2016, samkvæmt 2. mgr. 21. gr. skipulags- og byggingarlaga nr. 73/1997 m.s.br. Tillagan er í samræmi við tillögu að deiliskipulagi 1.áfanga Urriðaholtsstrætis sem kynnt er samhliða tillögunni.  Urriðaholt, Urriðaholtsstræti (viðskiptastræti) Í tillögunni felst eftirfarandi:  Breidd helgunarsvæðis breytist úr 60 m í 30 m að jafnaði.  Lega strætisins breytist lítillega.  Lega göngustíga breytist lítillega og göng undir strætið felld niður.  Mörk skipulagssvæða breytast sem færslu strætis og minnkun helgunarsvæðis nemur.  Markmiðið með breytingunni er að byggðin í Urriðaholti myndi eina heild og að Urriðaholtsstræti verði breiðstræti, svokallað viðskiptastræti sem rúmi allt að 4 akreinum með hámarkshraða 30-50 km/klst.  Breyting þessi samræmist í meginatriðum leiðarljósi og markmiðum Garðabæjar varðandi byggð og umhverfi í Urriðaholti, sbr. aðalskipulag Garðabæjar, rammaskipulag Urriðaholts og fyrirliggjandi deiliskipulagstillögu fyrir viðskiptastræti í Urriðaholti. Áhrifum tillögunnar er lýst í 5. kafla um umhverfismat í deiliskipulagstillögu fyrir viðskiptastræti í Urriðaholti sem auglýst er samhliða þessari aðalskipulagsbreytingu, sbr. hjálagt skjal. Niðurstaða umhverfismatsins er að framkvæmd við Urriðaholtsstræti muni ekki hafa í för með sér umtalsverð umhverfisáhrif og skuli því ekki háð mati á umhverfisáhrifum skv. lögum nr. 106/2000 um mat á umhverfisáhrifum.  Tillagan liggur frammi á bæjarskrifstofum Garðabæjar, Garðatorgi 7, frá 25.mars til og með 15.apríl 2008. Þær eru ennfremur aðgengilegar á heimasíðu Garðabæjar http://www.gardabaer.is . Þeim sem telja sig eiga hagsmuna að gæta er gefinn kostur á að gera athugasemdir við tillöguna. Frestur til þess að skila inn athugasemdum rennur út þriðjudaginn 15.apríl 2008. Skila skal athugasemdum á bæjarskrifstofur Garðabæjar og skulu þær vera skriflegar og undirritaðar. Þeir sem ekki gera athugasemdir við tillögurnar fyrir tilskilinn frest teljast samþykkir þeim.  Vakin er athygli á því að þar sem að um óverulega breytingu aðalskipulags er að ræða er frestur til að skila inn athugasemdum 3 vikur frá birtingu auglýsingarinnar og þar með styttri en frestur vegna þeirrar deiliskipulagstillögu sem auglýst er samhliða.