15.5.2007

Sala lóða hefst

Sala lóða í Urriðaholti hefst 15. maí næstkomandi. Fyrirkomulag sölunnar í byrjun verður þannig að áhugasömum aðilum gefst færi á að skila inn tilboðum og er tilboðsfrestur til kl. 18 þann 24. maí.
Urriðaholt ehf. leitar eftir kauptilboðum í byggingarrétt og leigulóðarréttindi lóða fyrir íbúðarhús í vesturhluta Urriðaholts í Garðabæ.
Tilboð skulu gerð á eyðublöðum sem Urriðaholt ehf. leggur til og skilað í lokuðum umslögum merkt “Urriðaholt – kauptilboð”. Urriðaholt ehf. hefur hvorki sett lágmarksverð né fast verð á hverja lóð. Mat söluaðila á söluverði lóðanna er að finna á vefsvæði Urriðaholts og er sett fram til viðmiðunar fyrir bjóðendur.
Um sölu lóðanna gilda, auk sérstakra tilboðsskilmála, söluskilmálar bygg-ingarréttar í Urriðaholti í Garðabæ sem samþykktir eru af Garðabæ.

Fasteignasölurnar Miðborg fasteignasala, Laugavegi 182 og Eignamiðlun, Síðumúla 21 annast sölu lóðanna. Til grundvallar ákvörðun um hvaða tilboði verður tekið verður almennt miðað við að tekið verði hagstæðasta tilboði í hverja lóð með tilliti til verðs og greiðsluskilmála.